About

የኢትዮጵያ ፕሬስ ድርጅት በ1933 ዓ.ም የተመሰረተ የመንግስት የህትመት መገናኛ ብዙሁን ድርጅት ነው። ድርጅቱ በአገሪቷ ውስጥ በአማረኛ ቋንቋ “አዲስ ዘመን” የተባለውን እለታዊ ጋዜጣ የሚያሳትም ብቸኛ ተቋም ሲሆን፤ በተመሳሳይም በሳምንት ለስድስት ቀናት በእንግሊዘኛ “ዘ ኢትዮጵያ ሔራልድ” የተሰኘውን ጋዜጣ ያሳትማል። በተጨማሪም በአፋን ኦሮሞ “በሪሳ” እና በአረብኛ “አል ዓለም” የተባሉ ጋዜጦችን በሳምንት አንድ ጊዜ በአርበ ጠባብ (ታብሎይድ) መጠን ያሳትማል። በየሁለት ወሩ የምትዘጋጀው ዘመን መጽሄትም የድርጅቱ አምስተኛ የህትመት ውጤት ናት። የኢትዮጵያ ፕሬስ ድርጅት ከ300 በላይ ሰራተኞች ያሉት በራሱ ገቢ የሚተዳደር ተቋም ነው።

ራዕይ
በ2017 የህትመት ውጤቶቹ ተነባቢነትንና ተደራሽነትን በእጥፍ ያሳደገ፣ በአገር ውስጥና በአፍሪካ ቀንድ ተወዳዳሪና ተመራጭ የህትመት ሚዲያ ሆኖ ማየት፤

ተልዕኮ
በወቅታዊ ጉዳዮች ላይ ትክክለኛና ሚዛናዊ ዘገባዎችን በማሰናዳት፣ በተለያዩ ቋንቋዎች የሚያሰራጭ ተዓማኒ ሚዲያ በመገንባት በልማት፣ በዲሞክራሲና በመልካም አስተዳደር ጉዳዮች ኅብረተበሰቡ የተጋ ተሳትፎ እንዲያደርግ የሚያግዝ ተመራጭ የህትመት ሚዲያ መሆን፤
ተቋማዊ ዕሴቶች

• ተቋማዊ መማማር
• የአገልጋይነት ስሜት
• የአዳዲስ ሃሳቦች ምንጭ
• ማህበራዊ ሃላፊነት
• ቀዳሚ የህትመት ሚዲያ
• ጠንካራ ውስጣዊ ተግባቦት
• ህዝባዊ ወገንተኝነት